Fundur 18.01.2010
FUNDARGERÐ. Fundur 18.01.2010
Ár 2010, mánudagur 18. janúar kl. 20:00, var haldinn 8. fundur starfsárs Roundtable 11, Vestmannaeyjum. Fundarstaður var húsnæði félagsins. Fundinn sátu: Ágúst Ingi Jónsson, Flóvent Máni Theodórsson, Hafþór Snorrason, Haukur Jónsson, Hlynur Guðmundsson, Jóhann Þorvaldsson og Sigurður Árnason. Örn Hilmisson boðaði forföll.
Ágúst Ingi Jónsson átti fundinn og stjórnaði honum.
Dagskrá:
1. Farið var yfir og ræddar tillögur til breytinga á lögum og siðareglum Roundtable. Sigurði falið að koma hugmyndum RT-11 um meðferð hagnaðar eða taps á fulltrúaráðsfundum og árshátíð til landstjórnar RTÍ og móta tillögur til breytinga á lögum vegna þess.
2. Samþykkt samhljóða að klúbburinn tæki þátt í kostnaði þeirra sem sækja fulltrúaráðsfund 12. – 14. febrúar n.k. og fljúga frá Eyjum sem nemur þáttökukostnaði á atburði helgarinnar eða um kr. 4.900,-
3. Fundurinn samþykkir að formannskeðja sé alfarið á ábyrgð starfandi formanns.
4. Rætt um að Rotaryklúbbur í Vestmannaeyjum fái möguleg afnot af húsnæði félagsins til fundarhalda gegn leigu. Jóhanni og hússtjórn falið að vinna að frekari framgang málsins.
5. Fundur sem á að vera 15. febrúar n.k. er flýtt til mánudagsins 8. febrúar vegna fulltrúaráðsfundar á Akureyri 12. – 14. febrúar n.k.
Fleira ekki gert. Fundi slitið kl. 21:50.
Fundarritari, Haukur Jónsson.