Roundtable 11 Vestmannaeyjar

FUNDARGERÐ.                                                   Fundur 01.02.2010

Ár 2010, mánudagur 1. febrúar  kl. 20:00, var haldinn 9. fundur starfsárs Roundtable 11, Vestmannaeyjum.  Fundarstaður var húsnæði félagsins.  Fundinn sátu:   Ágúst Ingi Jónsson, Haukur Jónsson, Hlynur Guðmundsson, Sigurður Árnason og Örn Hilmisson.   Sigurður mætti kl. 20:40 og Örn kl. 20:42.

Dagskrá:

Flóvent Máni Theodórsson átti fundinn en til hans var boðað með SMS skeyti kl. 18:42.  Formaður lét vita kl. 20:14 með SMS skeyti að hann kæmist ekki á fundurinn.  Hann lét þess ekki getið að öðrum væri falin stjórn fundarins og þar af leiðandi var fundurinn „stjórnlaus“.

Sitjandi siðameistari sektar Flóvent Mána formann um kr. 10.000,- eða flösku af Tópasdrykk sem verði afhent á næsta fundi, 8. febrúar n.k..  Fundarmenn ítreka að fundarboðun sé virt og forföll tilkynnt í tíma.  Hlutverk formanns er að sjá til þess að þetta sé í lagi.

Fram kom hjá Sigurði gjaldkera að uppgjör vegna fulltrúaráðsfundar hefur farið fram til LC-11. Ákveðið að félagsmönnum gefist kostur á að kaupa af RT-11 mjöð á kr. 3.000,- fyrir fulltrúaráðsfund 12. – 13. febrúar n.k.

Fleira ekki gert.  Fundi slitið kl. 21:50.
Fundarritari,  Haukur Jónsson.